મારા અનુભવની શાળા - ૨૦૨૬

 મારા અનુભવની શાળા - ૨૦૨૬ 

        એકતાનગર પ્રાથમિક શાળા (નાપા) માં મુખ્યશિક્ષક તરીકે જોડાયાને આજે ૧૪ વર્ષ પૂર્ણ કર્યા છે. HTAT પરીક્ષા પાસ કરી નાપા કુમાર શાળા - સી.આર.સી.સી., નાપા વાંટા - જલાલકુઈ પ્રા.શાળામાંથી એકતાનગર શાળામાં મુખ્યશિક્ષક તરીકે જોડાયા પછી પ્રભુએ એવા તો સંજોગો મેળવ્યા કે, કેટલાય ચઢાવ - ઉતારમાંથી પસાર થવાનું બન્યું. શાળામાં મુખ્યશિક્ષક તરીકે જોડાયો ત્યારે શાળા 30 ની હતી ને હું 40 નો. શાળા સ્થાપક ઈશ્વરભાઈ ઠાકોર અને નવનીતલાલ પંડ્યાના રાહે ચાલવાથી લઈને, શાળા પરિવારે દરેક કાર્યોમાં સહકાર આપ્યો ને પ્રભુએ અવિરત કાર્ય કરવાનું બળ પૂરું પાડ્યું.   

  
        પ્રભુપ્રેમના સ્પંદનો થકી સૌના સંકલનમાં, શાળામાં અવિરત કાર્ય કરતાં રહેવાથી શાળાના નામનો પર્યાય બન્યાનો અને શાળા જ અમારો 'ધબકાર' બન્યાનો અઢળક આનંદ છે. શાળામાં બાળકોની સંખ્યામાં ઉતરોત્તર વધારો, ખાનગી શાળામાંથી બાળકોનું આગમન, એસ.એમ.સી અને ગ્રામજનોનો પૂર્ણ સહકાર, વેકેશન વર્કશોપ, 'ધબકાર' ઈ મેગેઝિન જેવા અનોખા આયામો થકી કંઈક વિશેષ કર્યાનો રાજીપો સદાય રહેશે. બાળકોની આંતરિક શક્તિઓને બહાર લાવવાનો પ્રયાસ પણ સફળ રહ્યો છે. જેમાં કેટલીક સંસ્થાઓએ સહકાર આપ્યો.  
 
 

       શાળા, સ્ટાફ અને બાળકોના બંધન થકી ૧૦ જેટલા વિવિધ સંશોધનો, નવાચારો રજૂ કરી શક્યો. વિવિધ કાર્યોના પરિણામ સ્વરુપ તાલુકા અને જિલ્લા કક્ષાના શ્રેષ્ઠ આચાર્યનો એવોર્ડ મળવાની સાથે સાથે અન્ય સહયોગી સંસ્થાઓ પણ નવાજ્યો. જિલ્લાના શિક્ષણ વિભાગ તરફથી પામોલ બીટ નિરીક્ષક તરીકેની વિશેષ જવાબદારી સંભાળી અનુભવોનું આદાન-પ્રદાન કરવાની ગતિ જાળવી કાર્યરત છું. આ જ સમયગાળામાં મારા લેખન-સંપાદન સાથે 'યત્ર નાર્યાસ્તુ પૂજ્યન્તે...' અને  પતંગિયાની પાંખે'  બે પુસ્તકો પણ પ્રકાશિત કરી શક્યો છું. થોડા વખતમાં પી.એચ.ડી. પણ પૂર્ણ થવાના આરે છે. શાળાનl નામ સાથે નામ જોડાઈ જાય એવી સ્થિતિમાં લાવનાર SMC સભ્યો અને ગ્રામજનો સતત સહાયરૂપ બન્યા છે.

 
 

ચાલો, જેટલું લખીશ એટલું મને તો ઓછું જ લાગશે પણ, અમારા શાળા પરિવારના 'હમ હોંગે કામિયાબ..' ના ધ્યેય મંત્ર સાથે શાળાનું ભાવાવરણ ચોક્કસ ધ્યાનાકર્ષક બન્યું છે. હજી આ જ ગતિથી શાળાના વિકાસ માટે 'બાલદેવો ભવઃ' ને કેન્દ્રમાં રાખી મથતો રહીશ. ૧૪ વર્ષના આ અવિરત કાર્યોમાં પડખે રહી સહકાર આપનાર શાળા પરિવાર, અધિકારી-પદાધિકારી ગણ, અન્ય આચાર્યો/શિક્ષકો, ગ્રામજનો અને વાલીઓનો સહ્રદય આભાર.


વંદે માતરમ... ભારત માતાકી જય...

'હમ હોંગે કામિયાબ..' 

  

          

         


Comments

  1. C.R.C.CHUVA,BORSAD3 September 2026 at 02:49

    Congratulations & Nice Editing

    ReplyDelete
  2. Kiran Solanki3 September 2026 at 05:42

    🌷 હાર્દિક અભિનંદન અને શુભકામનાઓ🌷

    આજે એકતાનગર પ્રાથમિક શાળામાં ૧૪ વર્ષ પૂર્ણ કરવાના ગૌરવપૂર્ણ પ્રસંગે આચાર્યશ્રી ભાનુપ્રસાદ પંચાલ સાહેબને હાર્દિક અભિનંદન અને શુભકામનાઓ.💐

    શાળાના વિકાસ, શિક્ષણની ગુણવત્તા અને વિદ્યાર્થીઓના સર્વાંગી વિકાસ માટે આપનું માર્ગદર્શન, સમર્પણ અને પ્રેરણાદાયી નેતૃત્વ ખરેખર પ્રશંસનીય છે.આપના સફળતાપૂર્વકના ૧૪ વર્ષ પૂર્ણ થવા બદલ ખૂબ ખૂબ અભિનંદન🎉

    આગામી વર્ષોમાં પણ આપના સક્ષમ નેતૃત્વ હેઠળ એકતાનગર પ્રાથમિક શાળા નવી નવી ઊંચાઈઓ સર કરે અને શાળાની યશગાથા સતત આગળ વધે તેવી હાર્દિક શુભેચ્છાઓ.🌷🙏

    – કિરણકુમાર જેસંગભાઈ સોલંકી
    મદદનીશ શિક્ષક
    એકતાનગર પ્રાથમિક શાળા

    ReplyDelete
  3. Prakash bhatti3 September 2026 at 10:54

    શ્રી ભાનુપ્રસાદ પંચાલ સાહેબ
    આપને આણંદ જિલ્લામાં આવ્યાને વાત વાતમાં આમ દોઢ દાયકો પસાર થઈ ગયો...
    આપની કર્મઠતા અને ઉત્તમ કાર્ય પ્રણાલીથી આપ દૂધમાં સાકરની જેમ ભળી ગયા..
    આપના અથાગ પરિશ્રમ અને મેહનત કરીને આપે એક્તનગર ને એક અણમોલ ગતિથી રાજ્ય કક્ષા સુધી સ્થાન આપ્યું છે..
    આપને અભિનંદન અને મારા બહેનને વંદન જેઓ આ સફળતાના સાચા સુકાની અને સારથી છે...
    આપનો અનુરાગી
    પ્રકાશ ભટ્ટી
    આચાર્ય સંદેશર કુમાર શાળા તા. & જિ. આણંદ

    અભિનંદન ....
    💐💐💐💐💐💐💐💐💐💐

    ReplyDelete

Post a Comment

Popular posts from this blog

ગીતા જ્ઞાન, સબસે મહાન

Image
 ગીતા જ્ઞાન, સબસે મહાન           આજથી 5000થી વધુ વર્ષો પહેલાં કુરુક્ષેત્રની રણભૂમિમાં-મહાભારતના યુદ્ધમાં અસમંજસમાં ફસાયેલા અર્જુનને  નિમિત્ત બનાવી સૌના હૃદયસમ્રાટ અને પ્રેમનું પ્રતીક એવા ભગવાન શ્રીકૃષ્ણના મુખે ગવાયેલી શ્રીમદ્ ભગવદ્ ગીતાનો આજે જન્મદિવસ છે. વેદવ્યાસ રચિત મહાભારતના ભીષ્મપર્વના અધ્યાય 25 થી 42 એ 18 અધ્યાય એટ્લે શ્રીમદ ભગવદગીતા. 18 અધ્યાય અને 700 શ્લોકોમાં ગૂંથાયેલી આ ગીતા વિશ્વને ઉચ્ચત્તમ તત્વજ્ઞાન આપી રહી છે. અત્યાર સુધીમાં સાંસ્કૃતિક કે ધાર્મિક હેતુથી લખાયેલા ધર્મગ્રંથોમાંથી એકપણ પુસ્તકનો જન્મદિવસ મનાવવામાં આવતો નથી, પણ શ્રીમદ ભગવદગીતાની એક પુસ્તક તરીકે નહિ, પણ ધર્મગ્રંથ તરીકે જન્મજયંતી ઉજવાતી રહી છે. અર્જુન વિષાદયોગથી શરૂ થયેલી તત્વજ્ઞાનની અનુષ્ટુપ છંદમાં જ્ઞાન, કર્મ અને ભક્તિના શ્લોકોમાં રચાયેલી  વિચારધારાનો પ્રવાહ મોક્ષસંન્યાસ યોગ સુધી વહેતો રહ્યો છે.એનું કારણ છે કે, આ ગીતાનો ગાનાર ખુદ ભગવાન શ્રીકૃષ્ણ છે.           હતાશ અને નિરાશ થયેલા માનવસમાજને સાહસ, શ્રદ્ધા અને આશ્વાસન આપવા પ્રભુએ અર્જુનને નિમિત્ત બનાવ...
Read more

'સરદારની અસરદાર એકતા'

Image
 'સરદારની અસરદાર એકતા'           સમગ્ર ભારતવર્ષ સરદાર વલ્લભભાઈ પટેલની 150 મી જન્મજયંતીની ઉજવણી કરી રહ્યું છે ત્યારે આપણે એમના કરેલા લોખંડ જેવા મજબૂત અને અસરદાર કાર્યો તથા વિચારોને યાદ કરવા જ પડે. ભારતના છુટાછવાયા રજવાડાને એક કરી અખંડ ભારતનું   નિર્માણ કરનાર સરદાર વલ્લભભાઈ પટેલના જન્મદિવસ  31  મી ઓક્ટોબરને   ‘ રાષ્ટ્રીય એકતા દિવસ ’  તરીકે મનાવવામાં આવે છે.  1600  થી વધુ ભાષાઓમાં વાર્તાલાપ કરતો ભારત દેશ હિન્દૂ ,  મુસ્લિમ ,  શીખ ,  ઈસાઈ ,  જૈન અને પારસી સમુદાય વિવિધ સાંસ્કૃતિક પરંપરાઓ , પોશાકો અને રીત રિવાજોમાં   પણ આજે એક થઈને જીવી રહ્યો છે તેના પાયામાં સરદાર પટેલનો મોટો ફાળો રહેલો છે .         31  ઓક્ટોબર  1875 ના રોજ નડિયાદમાં જન્મેલ સરદાર વલ્લભભાઈ પટેલ આણંદ જિલ્લાના કરમસદના વતની હતા. પિતા ઝવેરભાઇ તથા માતા લાડબાના સંસ્કારો લઈને ઉછર્યા હતા. પ્રાથમિક શિક્ષણ કરમસદમાં લીધું ,  પેટલાદની શાળામાં અંગ્રેજી પાંચમું ધોરણ પાસ કરી નડિયાદની સરક...
Read more

School Innovation Council - State Level Workshop

Image
  School Innovation Council  State Level Workshop  જી.સી.ઈ.આર.ટી, ગાંધીનગર પ્રેરિત અને જિલ્લા શિક્ષણ અને તાલીમ ભવન,વલસાડ આયોજિત ત્રિ-દિવસીય રાજ્યકક્ષાની સ્કૂલ ઇનોવેશન કાઉન્સિલ - અભિમુખતા કાર્યશાળામાં આણંદ જિલ્લાના પ્રતિનિધિ તરીકે હાજરી આપવાનું સૌભાગ્ય પ્રાપ્ત થયું. શ્રીમદ્ રાજચંદ્ર આશ્રમમાં યોજાયેલી આ કાર્યશાળામાં ખુશનુમા અને શાંત જગાએ કઈંક નવું જાણવા-માણવા મળ્યું. જે ચર્ચાઓ થઈ એ તો જિલ્લા કક્ષાએ જ કરીશું, પણ જ્યાં રોકાઈને કાર્યશાળામાં સહભાગી બન્યા તે જગાની થોડી વાત કરી લઈએ.    ધરમપુરથી 3 કિમી.ના અંતરે મોહનગઢ ખાતે નયનરમ્ય જગાએ આવેલ શ્રીમદ રાજચંદ્ર આશ્રમ એક અધ્યાત્મ અને પરમ કલ્યાણની દ્યોતક છે. એક આત્મસાક્ષાત્કાર સંત, જૈન ધર્મના સુધારક અને 19મી સદીના ઉત્તરાર્ધના નોંધપાત્ર કવિ, તત્વચિંતક અને ગાંધીજીના આધ્યાત્મિક ગુરુ એવા શ્રીમદ્ રાજચંદ્રજીની પ્રેરણાથી આ આશ્રમમાં વિવિધ પ્રવૃત્તિઓ ચાલી રહી છે.  તેમણે વિશ્વને આપેલો એક સમૃદ્ધ વારસો આપ્યો જે સાધકોની પેઢીઓને માર્ગદર્શન આપે છે. લાખો લોકોને આંતરિક શાંતિ અને આનંદથી સશક્ત કરતા, પૂજ્ય ગુરુદેવ શ્રી રાકેશભાઈ એક પ્રબુદ્ધ ગ...
Read more